Description
අපේ ජන රිද්මයේ භාව තරංගය ඔහු ය; දුටු ගැමුණු මහ නිරිඳු ඔහුය.
ඒ සා මහා මිනිසා ගෙවූ තනිකඩ ආත්මයට එබී බලනට අප තවමත් සිත යොමා නැත.
රන් මැණිකා ද; සාලියද ඔහුට අහිමි විය; සුරනිමලට සිදු වූ අතුරුදන ද රහ්සකි; දසමහ යෝධයෝ ද නික්ම ගියහ. හිරිමල් විය පොබ කළ විස්වික ද, අසංක ද අතැර ගියහ.
කුඩා වියේ සිට ස්වකීය පියාට ඔහු මනාප රුචියක් නොවී ය. මල්ලි තිස්ස, අභියෝග කරන්නේ ඒ පිය අරුචියේ ප්‍රතිඵලයෙන් ය. අවසන නිරිඳු දුටු ගැමුණු ගේ අවසානාත්මක ආල අනුරාගය ස්වර්ණමාලිය හෙවත් රන් තෙලඹුවේ රත්නවල්ලි ද අහිමි විය.
රට, දැය, සමය නිදහස් කළ මිනිසා ගේ බීජ ජානය ලක් පොළොවෙන් අතුරුදන්ව ගියේ ය. සාලියට රජකම අහිමි වූවා පමණක් නොව ඔහු ගෙන් දුටු ගැමුණු නිරිඳු ගේ ජානය ද ගලා නොගියේ ය. තනි යහනේ තනිකඩව, සිරි යහනේ නිරිඳු දුටු ගැමුණු ඝාතනය වූයේ ය.
Reviews
There are no reviews yet.